Akmal Nuriddinov

Nuriddinov Akmal Voxobjonovich

Nuriddinov Akmal Vahobovich — O‘zbekiston Badiiy akademiyasi raisi, rangtasvir ustasi;

U 1959-yil 27-fevralda Namangan viloyati, Namangan shaxrida tug‘ulgan.

-Ma'lumoti oliy.

Oʻzbekiston Badiiyot akadimyasi akademigi (1997), Oʻzbekiston xalq rassomi (2003), Davlat mukofoti laureati (2001), "Fidokorona xizmatlari uchun"''' ordeni soxibi (2019). Yaponiya imperatorining "Chiqayotgan quyosh ordeni, Oltin nurli bo‘yin tasmasi"  ordeni bilan taqdirlangan (2024).

Mehnat faoliyati

• 1974 — 1978  yillarda  P.Benkov nomli Respublika rassomlik bilim yurti talabasi.
• 1984 - yilda  Toshkent teatr va rassomlik institutini tamomlagan.
• 1984 — 1989 yillarda Badiiy akademiya ijodiy ustaxonasi rassomi.
• 1985 — 1986 yillarda harbiy xizmatni o‘tagan.
• 1989 — 2002 yillar — O‘zbekiston Badiiy ijodkorlar uyushmasi a’zosi, rangtasvirchi rassom.
• 2002 — 2004 yillarda  O‘zbekiston Milliy banki galereyasi direktori lavozimida faoliyat yuritgan.
• 2004 — 2012 yillarda O‘zbekiston Badiiy ijodkorlar uyushmasi a’zosi, rangtasvirchi rassom
• 2012  yildan hozirgi vaqtga qadar  Kamoliddin Behzod  nomidagi Milliy rassomlik va dizayn instituti professori (o‘rindoshlik asosida).
• 2012  yildan beri  O‘zbekiston Badiiy akademiyasi raisi lavozimida faoliyat yuritadi.

Ijodi

Akmal Nuriddinovr lirik-romantik va falsafiy-tahliliy uslubda ta’sirchan kartinalar yaratgan mamlakatimizning yetakchi rassomlaridan biridir. 1990-yillardan boshlab sevgi mavzusi Akmal Nuriddinov ijodida asosiy mavzuga aylandi. Bu vaqtda uning uslubida o‘zgarishlar yuz bera boshladi. 1980-yillarning oxiridagi ma’yus rasmlarning estetikasi o‘z o‘rnini lirik ohangdagi rasmlarga beradi. Sharq klassiklari ham, zamonaviy o‘zbek adiblarining lirikasi ham uning asarlaridagi go‘zal plastiklik bilan birga keladi. Ularning intonatsion spektrida baxtiyorlik kayfiyati va javobsiz sevgi hamda ajralish haqidagi an’anaviy "nola" birga yashaydi. Rassom Sharq sheʼriyati va xalq ogʻzaki ijodining turli ramziy va allegorik obrazlaridan foydalanadi – bular anor va olma mevalari, oy yoki yarimoy, daryo, baliq, qayiq va hokazo.

A. Nur ijodida ez-gulik va yovuzlik, yorugʻlik va zulmat toʻqnashuvi va bunda ezgulik va yorugʻlikning tantanasi, maʼnaviy qadri-yatlar tarannum etiladi, mustaqillik olib kelgan oʻzgarishlar, muhabbat, oilaviy baxt-saodat, insof va diyonat oʻz aksini topdi.

Asarlari:

"Hayot boshlanmoqda" uchligi, "Umid bulogʻi", "Ajdodlar nazari" (1987); "Kushan qishlogʻi", "Tong", "Kushan afsonasi" (1988); "Oila" (1990); "Darvish", "Shahar taqdiri", "Tun va kun", "Unutilgan qadriyatlar", "Shirin tush" (1992); "Tojmahal", "Muhabbat bogʻi" (1993); "Ishq olmasi", "Tun va kun. Zulmat va Ziyo" (1995); "Jayxun", "Fikr parvozi" (1996); "Tavhid" (1997); "Rishton natyurmorti", "Ilhom pariyey" (1998); "Muhabbat vodiysi", "Armon" (2000); "Oy ustidagi pari" (2001); "Jannat uchligi", "Ona" (2003) va boshqa

Ko‘rgazmalari

Yil	Nomi	Shahar	Davlat
1987	Butunittifoq badiiy ko‘rgazmasi	Moskva	Rossiya
1988	SSSR Badiiy akademiyasining ko‘rgazmasi	Toshkent	O‘zbekiston
1988	SSSR Badiiy akademiyasining ko‘rgazmasi	Leningrad	Rossiya
1988	«23 lar uyushmasi» ko‘rgazmasi	Toshkent	O‘zbekiston
1989	«23 lar uyushmasi» ko‘rgazmasi	Toshkent	O‘zbekiston
1989	«23 lar uyushmasi» ko‘rgazmasi	Samarqand	O‘zbekiston
1989	Xalqaro ko‘rgazma	Skople	Yugoslaviya
1990	Shaxsiy ko‘rgazma	Toshkent	O‘zbekiston
1990	Oʻzbekiston rassomlarining guruh koʻrgazmasi,Devidson galereyasi	Sietl	AQSH
1991	shaxsiy ko‘rgazma	Rabat	Marokash
1991	shaxsiy ko‘rgazma	Gaaga	Gollandiya
1992	«23-lar uyushmasi» ko‘rgazmasi	Toshkent	O‘zbekiston
1992	shaxsiy ko‘rgazma	Toshkent	O‘zbekiston
1992	Shaxsiy ko‘rgazma, San’at merosi galereyasi	Dehli	Hindiston
1995	Shaxsiy ko‘rgazma, «Ilhom» teatr-studiyasi	Toshkent	O‘zbekiston
1995	Shaxsiy ko‘rgazma	Myunxen	Germaniya
1996	Respublika ko‘rgazmasi	Toshkent	O‘zbekiston
1996	«Habitat-2» Xalqaro ko‘rgazmasi	Istanbul	Turkiya
1997	O‘zbek rassomlarining guruh ko‘rgazmasi	Detinxaym	Gollandiya
1998	Oʻzbekiston rassomlarining guruh koʻrgazmasi	Kyoln	Germaniya
1999	«Men sevgi diniga e’tiqod qilaman» shaxsiy ko‘rgazmasi	Toshkent	O‘zbekiston
2000	Jahon bankida oʻzbek rassomlarining guruh koʻrgazmasi	Vashington	AQSH
2001	Shaxsiy ko‘rgazma	Detinxaym	Gollandiya
2006	ShHT mamlakatlari Xalqaro ko‘rgazmasi	Xanchjou	Xitoy
2007	shaxsiy ko‘rgazma, Sovkom galereyasi	Moskva	Rossiya
2014	«Tuygʻular va orzular» shaxsiy koʻrgazmasi	Toshkent	Oʻzbekiston

Asarlari O‘zbekistonda – Toshkent shahrida: O‘zbekiston Davlat san’at muzeyida, O‘zbekiston Badiiy akademiyasi Ko‘rgazmalar direktsiyasida, O‘zbekiston Respublikasi Milliy bankida, O‘zbekiston Invest bankida; A.Ikromov nomidagi Samarqand davlat tarixiy-me’morchilik muzey-qo‘riqxonasida, Urganch rasm galereyasida; xorijda – Zamonaviy san’at muzeyida (Yugoslaviya), Sietldagi Devidson galereyasida (AQSh), Art Heritage galereyasida va Lalit Kala akademiyasida, Dehlida (Hindiston), Credit Suisse Bankda (Shveysariya), shuningdek Gollandiya shaxsiy  kolleksiyalarida, Germaniya, Belgiya, Avstraliya, AQSh, Isroil, Kanada, Marokash, Hindiston, Turkiya, Shveysariyada joylashgan.

A. Nur 1987-yildan respublika va xalqaro koʻrgazmalarda asarlari bilan ishtirok etadi. Asarlari respublika va xorijiy mamlakatlar muzeylari va xususiy toʻplamlarda saqlanadi.